Latest news with #NorthCentral
CTV News
04-07-2025
- General
- CTV News
Crews respond to house fire in North Central Regina
Regina fire crews responded to a blaze at a house on the 1400 block of Retallack Street on July 3, 2025. (Donovan Maess / CTV News) Several crews responded to a house fire in North Central Regina on Thursday evening, having responded to a fire at the same house the night before. Around 6:35 p.m., crews were called to the 1400 block of Retallack Street for a report of a house fire. According to a post on X from Regina Fire, the blaze was quickly controlled, limiting extension to neighbouring houses. No injuries were reported and the fire is under investigation. About four fire trucks, police, and paramedics were on site, according to a reporter on scene. Regina fire crews responded to the same house just before 11 p.m. on Wednesday for a report of a basement fire. According to a post on X, light smoke was visible when crews arrived. Crews were able to contain the fire to the basement and no injuries were reported. - With files from Donovan Maess
BBC News
24-06-2025
- Politics
- BBC News
Wetin di lynching of travellers for Plateau state torchlight concerning insecurity for Nigerian roads
"I lose two sons and oda relatives because of dis wicked act by mob, my husband leave me with 13 children". Na so Faji Sani, wey lose her pikin, husband and oda relatives for di attack on travellers for Plateau state tok. Mrs Sani dey ask di govment for justice and compensation. Di recent killing wey happun for Mangu Local Government Area of Plateau State, North central Nigeria wia mob kill some travellers, don cause serious reactions in di kontri. Di victims bin dey travel from Zaria for Kaduna State on Saturday to go attend wedding for Qua'an Pan Local Government Area of Plateau State, wen mob intercept dem for Mangun district. Some of di travellers die for di scene, while odas sustain different kaind injury, and dem dey hospital now for treatment. Authorities for Nigeria say about 13 pipo die afta some pipo ambush one bus wey belong to Ahmadu Bello University for Zaria. Kaduna State Govnor, Senator Uba Sani, don condemn di killing as e describe di attack as "wicked and senseless" and e insist say dis kain tin no suppose go free witout punishment. "No reason dey to attack any Nigerian for any part of di country" di govnor tell BBC Hausa. "Dis kain wickedness suppose make everibodi vex, and dem must find dos wey do am and deal with dem well." Govnor Sani tell im counterpart for Plateau State, Govnor Caleb Mutfwang, make e act, join hand wit security pipo so justice go happun. "I go follow di investigation myself. We must show say impunity no go dey allowed again" im add. President Bola Tinubu wey also condemn di killing say di attack dey "unacceptable and barbaric." E don also order all security agencies make dem catch di pipo wey do am and carry dem go face justice. "Freedom to waka anywia for Nigeria na right wey nobodi fit collect. We no go allow anybody or any group use violence or fear try stop citizens from moving freely." Dis recent attack on travellers for Plateau state don bring up di tok about di safety of travellers for Nigerian roads, as e no be di first time e dey hapun. Dis attack dey come months after anoda attack on travellers for Edo State, for southern Nigeria, wia mob kill some travellers - hunters - wey bin dey travel to Kano for northern Nigeria through Uromi. For 2018, one Nigerian Army officer wey be former Chief of Administration, Major General Mohammed Idris Alkali (rtd), go missing wen e dey travel from Abuja go Bauchi. Later dem find im dead bodi for Plateau State, according to reports. Wetin dey worrying now be say apart from bandits wey dey kidnap or kill pipo for road, if person dey travel for road, e fit still fall victim of mob lynching for Nigerian highways. 'Lack of consequence na part of wetin dey make lynching of travellers dey hapun' Some pipo don chook eye say, di extra-judicial killings of travellers for Nigerian roads fit don come up as a result of di rise of insecurity and persistent attacks on communities by armed men, weda dem be herdsmen or bandits. But security expert, Auwal Bala, wey be Senior Private Security Consultant for Borno State, believe say di main reason why pipo dey lynch travellers for Nigerian roads na sake of say, dos wey dey do am no dey face punishment. E tell BBC Pidgin say, some of di mobs wey dey do dis kind tin get political, ethnic or religious reasons behind am. "Some dey do am sake of politics, religion, some becos of tribe, but anyhow e be, nobody get right to kill person just like dat even if di person commit offence" oga Bala tok. E also tok say even wit all di insecurity kasala wey dey Nigeria now, pipo no suppose take law for dia hand. "You no fit just dey kill travellers sake of your area dey face security wahala, you suppose consult or confirm who dem be. Even if dem be suspect, carry dem go police or authorities pipo no suppose dey use insecurity as excuse" e tok. Wetin fit be di solution? Di security analyst tok say di only way to stop dis kain attack on travellers na if goment and court begin punish pipo wey dey do am, witout looking face, tribe or religion. Dr. Bala talk say, "di solution be say anybody wey do dis kain tin, make dem carry am go court, and make dem punish am well based on wetin e do." "Make dem no bring politics, religion or tribe inside. Anybody wey commit crime, make e face di consequences. "Judges too no suppose dey soft, make punishment strong so odas go fear and no go try am" e add.
Washington Post
19-06-2025
- Politics
- Washington Post
Nigerian president orders crackdown on gangs after 150 killed in conflict-hit north
ABUJA, Nigeria — Nigeria's President Bola Tinubu on Wednesday directed security agencies to hunt down the perpetrators of a weekend attack that killed at least 150 people in the country's northcentral, as he faces growing pressure over a worsening security crisis. Tinubu visited Benue state, the site of the recent deadly attacks, seeking to calm tensions and promise justice for the victims. 'We will restore peace, rebuild, and bring the perpetrators to justice. You are not alone.' the Nigerian leader said on X.
BBC News
18-06-2025
- Politics
- BBC News
Wetin to expect from President Tinubu visit to Benue state
Nigeria President Bola Tinubu dey expected to arrive Benue state, north-central Nigeria on Wednesday to condole wit pipo of di state afta one deadly attack wey lead to di death ova 100 pipo for Yelewata community for Guma Local Government Area of di state. Di visit dey come for di middle of growing concerns as Nigerians dey worry say security for di region dey worsen. Di presidency for one statement on Monday, 16 June confam say di president Tinubu go "clear im schedule and visit Benue state as part of renewed efforts to foster peace and address di persistent conflict affecting communities for di state." Benue state goment for statement say dem ready gidigba to receive di president as di "visit no only represent a moment of national empathy, but na rare opportunity to directly follow di Presidency tok on urgent security interventions dem need to end di persistent killings and displacement of our pipo". Wetin Tinubu go do for Benue state during im visit Na for di midnight and early morning of Saturday, 14 June, suspected criminal herdsmen according to di state govnor Hyacinth Alia bin attack di community wey lead to di death of more dan 100 pipo die. Di National Emergency Management Agency (Nema) tok say dia early investigation show say more dan 100 pipo kpai for di attack including two sojas and one officer of di Nigeria Security and Civil Defence Corps (NSCDC). Di number of pipo wey die fit still go up as di agency say di current figures still dey inconsistent sake of di volatile security situation and limited access to di affected areas. However, e dey expected say di President during im visit go assess first-hand di recurring crisis wey don claim many lives and cause significant destruction. During im stay, President Tinubu go meet wit all stakeholders—including traditional rulers, political, religious, community leaders, and youth groups—to find lasting solutions to di hostilities. E go also hold town hall meeting wit all stakeholders during di visit. In preparation for di visit, President Tinubu don already dispatch di Secretary to di Government of di Federation, di Inspector General of Police, heads of intelligence agencies, di National Security Adviser, plus di Chairmen of di Senate and House Defence Committees go Benue State. SGF, Security Chiefs dey Benue to end killings Ahead of di president visit, di Secretary to di Government of di Federation George Akume wey come from Benue land di state on Tuesday, 17 June. E say im visit di sites of di attacks, meet wit survivors who express dia pains." Di pain dey raw, di sorrow dey deep," Di SGF tok. "For di Market IDP camp, I meet families wey still dey suffer from di loss — displaced, grieving, and living in difficult conditions. Dia resilience moveme deeply. Dis crisis done go on for too long. No one deserve to live in fear or uncertainty for dia own homeland. Dis really hurt". Oga Akume add. Di SGF assure say im no go abandon im own. "I go stand wit you- and we no go rest till our communities dey secure & peace return to our lands," e add. Also, di Inspector General of Police Kayode Egbetokun and di Chief of Defence Staff Christopher Musa bin rush go Yelewata community on Monday to see tins for diasef. Di IGP describe di attack as "senseless and an act of terrorism", and e promise say di Nigeria Police Force do dia best to bring di attackers to justice. Also, di CDS assure di pipo say dis go be di last attack wey go happen for dia community. "We want make dis one be di last one wey go happen. We go go all out to ensure say we address am. We don put measures for oda places and e bin work, so here no go dey different," e tok. "I wan assure Nigerians say no be only Benue State, all ova di kontri, we dey determined, based on di mandate of Mr President, to make sure say we restore peace and tranquillity inside our country, but we need Nigerians to support us."
BBC News
16-06-2025
- Politics
- BBC News
100 die, 6,500 displaced for di afta effects of Benue attack - wetin Pope Leo tell Nigeria goment
Di National Emergency Management Agency (Nema) for Nigeria don release dia first report about di recent attack wey happun for Yelewata community, for Guma Local goment Area of Benue State, North central Nigeria. Dis recent attacks, according to Nema bin happun for di early hours of Saturday, 14 June, 2025. Nema say dia early investigation show say more dan 100 pipo kpai for di attack including two sojas and one officer of di Nigeria Security and Civil Defence Corps (NSCDC). Di number of pipo wey die fit still go up as di agency say di current figures still dey inconsistent sake of di volatile security situation and limited access to di affected areas. "Dozens of pipo sustain injuries, and 46 individuals bin dey rushed to hospitals. Sadly, 20 of dem later die for hospital sake of di injuries wey dem sustain," di Nema statement read. Di agency also say police bin kill some of di attackers as dem dey exchange gunfire, but dem no talk how many of di attackers wey police kill. As e be now, more dan 6,527 pipo don run comot for dia house and dem dey take shelter for Internally Displaced People Camps. Dis include "1,768 females; 759 males; 657 children under 18 years; 1,870 adults above 18; 252 lactating mothers; 82 pregnant women; and 91 elderly persons". According to Nema, hospitals for Makurdi dey call for urgent blood donations for di pipo wey wunjure for di attack, and also for humanitarian support for di pipo wey dey IDP camps. Also, di head of di Catholic Church, Pope Leo XIV, don chook mouth for di killings wey dey go on for Benue State - e describe di situation as a "terrible massacre". Pope Leo tok dis one for im Sunday Angelus wit di Catholic faithful for di St Peter's Basilica, and e pray for "security, justice, and peace". E say: "On di night of 13/14 of June, for town of Yelwata for di Guma Local Goment Area of Benue State in Nigeria, a terrible massacre bin happen wia more dan 200 pipo bin dey killed in a cruel manner. Most of dem na Internally Displaced Persons hosted by di local Catholic mission. "I pray say peace, security, and justice go prevail for Nigeria, a beloved kontri wey dey affected by various forms of violence." Remember say di late Pope Francis bin pray regularly for security and peace to reign for Nigeria. Di first time na on 15 August 2020, afta di Catholic Bishops Conference of Nigeria release a statement about di rising insecurity for northern Nigeria. Di second one na for June 2022 afta gunmen attack one Catholic Church for Owo, Ondo State and kpai plenty pipo including children. Goment to set up panel to investigate Di govnor of Benue State, Hyacinth Alia, tell tori pipo on Sunday say dem go set up a five-man panel wey go chook eye into dis crisis and come up wit a white paper wey di goment go implement. "Dis white paper go help us to know who be di culprits, to know who be di sponsors, to identify di victims, and to see wia justice go dey applied," di govnor tok. BBC Pidgin bin don report accounts of pipo wey bin dey affected for previous attacks we happen for Benue State dis year, including di tori of one woman who say di jaguda pipo bin rape her eight times bifore day break, and anoda pesin wey lose six members of im family. For previous interview wit Channels TV, govnor Hyacinth Alia say im no believe say di attacks na farmers and herdsmen wahala. E say di killers dey specialised and dem dey fight like pipo wey dey trained for guerrilla war. "Di way dis attacks come and di intel we receive, na direct and calibrated plan and dem go execute am. Evriday, we dey receive dis intel. Of late, each of di intel we receive, 60 to 65 per cent of dem dey quite accurate. "And den wen you realise wetin dey go on, e dey beyond just conflict, e dey beyond just ethnic fight between herders and farmers for our state, e dey directed, e dey planned and den, dem go execute am, na terrorism." On Sunday, President Bola Tinubu call on di govnor and oda political and community leaders for Benue State to "act responsibly and avoid statements wey fit further increase tensions and killings".
