العدوان يحتفلون بزواج ابنهم الشاب سعيدغريٍّس
احتفلت عائلة العدوان مساء اليوم الاثنين بزواج ابنهم الشاب سعيد بن غريٍّس فنيخر العدوان الشراري على كريمة فايد فنيخر العدوان يرحمه الله بقصر التاج للإحتفالات بمحافظة طبرجل بحضور جمعٌّ كبير من الأهالي والمحبين والأصدقاء وتخلل الحفل عدة فقرات شعبية منها الدحه والشيلات الوطنية التي نالت إستحسان الجميع وقد ثمنت عائلة العدوان للجميع حضورهم وخطوتهم العزيزة والمباركة
أسرة تحرير صحيفة غرب الإخبارية تبارك لهم زواجهم بارك الله لهما وبارك عليهما وجمعا بينهم بخير ورزقهم الله الذرية الصالحه
جرب ميزات الذكاء الاصطناعي لدينا
اكتشف ما يمكن أن يفعله Daily8 AI من أجلك:
التعليقات
لا يوجد تعليقات بعد...
أخبار ذات صلة
حضرموت نت
منذ ساعة واحدة
- حضرموت نت
اتحاد أدباء وكتاب الجنوب ينعي الأديب الراحل سالم الفراص
4 مايو/ خاص نعت الأمانة العامة لاتحاد أدباء وكتاب الجنوب الأديب والقاص والإعلامي سالم الفراص الذي وافته المنية إثر مرض عضال ألم به. وعبرت الأمانة العامة في بيان نعي بأن الأديب الراحل كان من الكتاب المخلصين للأدب والكتابات الأدبية رغم عمله الصحفي، حيث اتسمت كتاباته الصحفية بلغة راقية وأسلوب أدبي في تعاملها مع قضايا المجتمع والمواطن، كما كان من القاصين الذين عبرواعن هموم الإنسان وقضاياه. وأشار بيان النعي أنه برحيل الفراص فقد اتحاد أدباء وكتاب الجنوب عضوا من أعضائه الذين شاركوا في فعالياته الأدبية، كما فقدت الأسرة الأدبية في عدن والجنوب برحيله قلما مثابرا وأديبا تمتع بكل الصفات الإنسانية النبيلة. ونقلت الأمانة العامة تعازيها ومواساتها الحارة لأبناء الفقيد وذويه ومحبيه وللوسط الأدبي في العاصمة عدن والجنوب، سائلة المولى أن يسكنه فسيح جناته وأن يلهم أهله وذويه الصبر والسلوان. يذكر أن الأديب الراحل عمل في الصفحة الثقافية لصحيفة (14 اكتوبر) ونشر العديد من القصص القصيرة والكتابات الأدبية منذ ثمانينات القرن الماضي، وله روايتان منشورتان هما ( البحث عن زرنوق) و(سرب المحامل) كما كان أمينا عاما لجمعية حماية التراث والمتنفسات في العاصمة عدن في فترة التسعينيات . رحم الله الأديب والصحفي الراحل سالم الفراص.. إنا لله وانا إليه راجعون.. صادر عن الأمانة العامة لاتحاد أدباء وكتاب الجنوب المركز الرئيس العاصمة عدن
سودارس
منذ 2 ساعات
- سودارس
عوض بابكر .. بأي دمعٍ نبكيك .. وبأي حرفٍ نرثيك ..!
عوض بابكر .. بأي دمعٍ نبكيك .. وبأي حرفٍ نرثيك .. ■ يا الله .. ■ يا الله .. ■ يا الله .. ■ بين مصدقٍ .. ومكذبٍ للخبر هاتفت أخي الحبيب طلال إسماعيل أستوثقه .. وطلال هو مقصدي في التّبيُّن والتّثبت عندما تتوارد الأخبار وتتشابك خيوط الأسئلة الحيري .. ■ وهاتفت طلال لأنني أعلم قوة رباط المحبة والمودة وصلة الروح التي تجمع بينهما .. ■ وطلال الذي أعرف هيّنٌ تستخفه بسمة الطفلِ .. قويٌّ يصارعُ الأجيالا .. طلال لاتهزه النوازل .. ولا تزلزل أقطار نفسه الفواجع ولاتكسره الأحزان ولا تغطي وجهه الصبوح عاديات الخاص من المصائب ولا العام من الأحداث المزلزلة والمجلجلة .. منذ اللحظات الأولي لوفاة الشيخ حسن الترابي الذي كانت تربطه بطلال إسماعيل صلة مودة ومحبة لم أجد لها مثيلاً بين الشيخ الراحل وأحد تلاميذه وإخوانه الصغار .. في تلك اللحظات كنت مذهولاً وأنا أتابع طلال وهو يغرق في تغطية وإرسال خبر وفاة الشيخ الترابي إلي محطات وقنوات وصحافة العالم بثبات ورباطة جأش تجاوزت تلك التي كان طلال يستحضرها وهو ينقل الجرحي ويدفن الشهداء من إخوانه في جبهات ومتحركات القتال التي شارك فيها طِلّي وثلة من أبناء جيله قبل عقدين من عمر الزمان .. ■ هاتفته لأستوثق الخبر .. أجابني بنحيب وبكاء هزّني وأعاد لي سيرة أحزاننا التي ما أبقت في دواخلنا موضعاً إلا ورسمت فيه حزناً من أحزان البشارة .. ■ إن الذي أبكي طلال إسماعيل لحزن عميق .. ومُصابٌ جلل .. ■ هذه المرة استوثقت الخبر من طلال بالدموع وحزنٍ شوي الكبدَ .. وفطر الفؤاد .. ■ مات عوض بابكر .. ■ يا الله .. ■ يا الله .. ■ يا الله .. ■ مات عوض بابكر .. غادر الدنيا فجر اليوم .. غادر الدنيا بذات الهدؤ والصمت الذي عاش به طيلة حياته .. رحل عوض فجراً والدنيا تتنفس عطر الصباح والكائنات كلها بين حامدٍ ومسبح .. مع سكون الصباح سافر عوض بابكر ليتناسق بدء حياته مع الختام .. ■ اليوم سيتسرجع الكثيرون رحلة أيامهم وجلساتهم مع عوض بابكر .. سيتكشفون أنهم كانوا أمام أحد أئمة الصبر والقناعة والاحتساب .. ■ واجه عوض بابكر إبتلاء المرض بصبر ( أسطوري) .. لم يكسره الألم فقد كان عوض خبيراً بحقيقة مرضه فحشد لذلك خبرته وتجربته من الصبر واليقين فعاش وضيئاً وحاضراً حتي غاب عن الدنيا وهو بكامل وعيه وثباته الإيماني والنفسي .. ■ مات عوض بابكر ليلتحق بأحبابٍ له وصحاب سبقوه إلي الدار الآخرة .. ■ هي الدنيا التي لايعرف أحدنا كيف تكون خاتمته فيها .. والسعيد منا من تخبئ له الأيام خاتمة كخاتمة عوض بابكر .. ■ أستودعك الله أخي عوض بابكر .. سأفتقدك كثيراً .. ولطالما وجدتُك بقربي في ساعات حزني وضعفي .. كنت لي نعم الأخ والحبيب المشفق والناصح الأمين .. ■ حزني عليك عظيم ومقيم .. يحزن القلب .. وتدمع العين .. ولا نقول إلا مايرضي الرب .. ■ لا حول ولاقوة إلا بالله العلي العظيم ..
كورة سودانية
منذ 5 ساعات
- كورة سودانية
تُشَـاهِـد غَـدَاً (أيِّ دَمعَة حُـزن لا لا)
صَـابِنَّهَـا محمد عبد الماجد تُشَـاهِـد غَـدَاً (أيِّ دَمعَة حُـزن لا لا) الدنيا دي فيها حاجات غريبة، طول عمري، من يوم ما قُمت بسمع إنه القميص بيصغر عليك.. عادي تقوم يوم الصباح تلقى قميصك صغر عليك.. ولامن يكون عندك أخ أصغر منك، أو قريبك أصغر منك في السن، بتقول ليه شيل القميص دا، عشان صغر عليك. ونحن ذاتو كنا بنلبس قمصان ناس بتصغر عليهم، هكذا كانت دورة القمصان في الحياة.. عادي لامن تنفخ روحك تلبس قميص أبوك.. وعادي تحصل بينك وبين أخوك الكبير مشاكل حول (قمصانه)، وبينك وبين أخوك الأصغر منك مشاكل حول (قمصانك)، كل ذلك يحدث في السودان والدول المجاورة. نحنُ حسب قلة عقلنا كنا فاكرين أنّ القمصان هي البتصغر وليس نحنُ من يكبر ـ غايتو الإنسان دا أصلو ما بدور الكُـبر، يقول ليك القميص صغر عليّ ما بقول ليك أنا كِبرت عليه. الواحد يدخل الجامعة ويعرس ويعمل المشكلة في (القميص). هسع في الحرب دي الحكاية اتعكست، القميص بقى يكبر عليك. عندي أربعة قمصان لامن أخش فيهم بقيت زي كأني دخلت في كيس مرتبة الدبل. أخوجل في القميص زي الحواشة. القميص في الحرب دي بقى متل الجلابية. التضخم الاقتصادي بقى ينعكس على قميصك، يقوم فجأة كدا يتضخم. زمان بسمع في النشرات الاقتصادية عن التضخم الاقتصادي، وكنت فاكر موضوع التضخم دا بعيد مننا، لامن ظهر لينا في قمصانا. عندي حزام، بقيت كل يوم أقوم الصباح وأسخن المسمار عشان أخرم الحزام خرم جديد، عشان بقى كبير. شوف لو الموضوع دا حصل عليك، يبقى راجع نفسك، في تدهور صحي حاصل. أغرب من ذلك عندي جوارب، بقيت أدخِّل كرعيني الاتنين في فردة (شراب) واحد وامشي عادي.. عليكم الله الفاضي يلبس ليه جوز جوارب منو في الحرب دي؟ كرعيني الجوز بدخلن في فردة واحدة. عندنا قريبنا كل سنة ممتحن، قلت المرة دي اجتهد معاه شوية وأشجِّعه، انتظرته قدام المدرسة، أول ما طلع قلت ليه: أها جابوا ليكم شنو في الجغرافيا؟ قال لي جابوا لينا بامية مفروكة طاعمة. قلت ليه يا زول أنا بسألك عن الامتحان. قال لي نحن في الحرب دي الامتحان من السماية بقينا ما قادرين نفرز. كنت بمشي الفرن بمد ليه ألف جنيه بيديني 12 رغيفة. بقيت أمشي أمد ليه ألف جنيه بيديني 10 رغيفات. استمر الموضوع على هذا الوضع فترة. بقيت أمد ليه ألف جنيه يديني 8 رغيفات. ثم.. بقيت أمد ليه ألف جنيه ويديني 7 رغيفات. وكل مرة العيشة ماشة تصغر. مديت ليه ألف جنيه أداني 5 رغيفات. ولا قاعد اتكلم. نحن لو اتكلمنا بقولوا علينا نحن الصحفيين بتاعين تنظير، عشان كدا خشمنا بقى عندنا. نقول شنو؟ البلد كلها بقت مليشيات، بتاع الفرن بقى بي بندقيته.. تتكلم يطلع ليك مليشيات من تحت البنك. البنك دا تربيزة كبيرة بقيف قدامها بتاع الدكان. مديت ليه ألف جنيه أداني ثلاث رغيفات. آخر مرة مشيت الفرن مديت ليه ألف جنيه أداني كيس فاضي. سكت.. عاد أقول شنو؟ نحن الصحفيين لو اتكلمنا بقولوا علينا قاعدين ننظر كتير. شلت الكيس ومشيت البيت، قلت الليلة نعمل سليقة (أكياس).. قالوا طاعمة زي البامية المفروكة. ما عارف الليلة ليه معلق في البامية المفروكة؟ مرة كنا بنلعب كوتشينة، الورق سمح، من التوزيعة عامل 75، قلت خليها تلف. لفت، الورق قفل. اللعب في بداياته، قلت أعمل فيها حريف أقفل على كرت صغير.. قفلت على (دو) وعملت رايح. الزول القاعد شمالي، الظاهر عليه عرف قفلتي، بقى يرمي لي في ورق كبير. تسعة هارتي. سبعة طويلة. شايب حركات مسلحة. ولد ناشط سياسي. بنت منظمات طوعية. خمسة ـ لجان مقاومة. أي كرت رماهو ما عمل حاجة. في واحد قاعد برّه قال لي إنت قافل على شنو؟ إنت قافل على وزارة المالية؟ في واحد تاني مع آخر كرت في الصندوق والكوتشينة بتدك، قال لي: البلد دي لو قافل على (دو) لو ما عملت ليك مليشيات ما بدوك ليه. الكوتشينة ادّكت، وشكلهُ كدا كامل إدريس ح يدكها ويوزع من جديد. خلوه الحريق.. لو بنلعب (وست) بحصل شنو؟ أول حاجة ناس المشتركة قالوا القبول حقهم.. قالوا ما بدوا قبولهم.. قبول يجيبوه بالبندقية دا ما سمعنا بيهو إلا في السودان. التوزيعة عند كامل إدريس لكن الورق عند البرهان. الكيزان عاوزين يسموا تسمية كبيرة، وهم ما عندهم ورق، خايفين من (السيك). ناس صمود عاوزين يحتوا اللاتو. الشعب السوداني عارف إنها قدر ما تلف وتدور ح تجيهو راجعة تاني. اللعب عند الشعب. ألعبوا!! عندنا زول وقت تأخِّــر اللعب وما تفك البايظ بقول ليك أنهر. بعد كدا ندخل ليكم على أصحاب المركز السادس ـ فارق 23 نقطة. قبل أي منافسة، أو في بداية كل المواسم، في مرحلة الإعداد تحديداً ومرحلة المعسكرات والصور والسيلفي في المطارات، إعلام المريخ أفضل من يتحدث عن الجاهزية وعن استعداد الفريق، ولاعبو المريخ أفضل من يتصوروا صور السيلفي، مرات أنا بصدقهم وأقول الله يستر. تنتهي المنافسة، تكتشف أن الموضوع كله كان عبارة عن الكاميرا الخفية. شوفوا ما في فريق بحقق ليه بطولة بسيلفي المحترفين في المطار. قبل بداية هذا الموسم، سبق المريخ فريق الهلال وهو يخاطب الاتحاد الموريتاني للمشاركة في الدوري الموريتاني، وكان المريخ قد أنجز تسجيلات (خيالية)، وأبرم صفقات (خرافية) حسب كلامهم، حتى الوطنيين وصفوهم بالموهبة وأنهم سوف يكسروا الدنيا.. وقالوا إنّ المريخ لقط كل المواهب الموجودة في البلد ولم يترك للهلال موهبة واحدة. المريخ أنجز قبل بداية الموسم أكثر من 5 أو 6 معسكرات خارجية ـ عسكروا في مصر وفي تنزانيا وعسكروا في جنوب السودان وفي ليبيا، وعسكروا في موريتانيا، وما عارف إثيوبيا عسكروا فيها أم يُخيّل لي ـ اتذكرت وشاركوا في دورة ودية في نيجيريا. وقبل ذلك عشان ما في زول يكشفهم انسحبوا من أمام الهلال مرتين، مرة في السوبر السوداني وأخرى في بطولة سيكافا. لكن بعد التعب دا طلعوا من التمهيدي في البطولة الأفريقية، قلنا ما مشكلة من خلى عادته قلّت سعادته. شاركوا في الدوري الموريتاني ونزلوا التسجيلات التكميلية بقوة أكبر، وأعلنوا أنّ الفريق أصبح قوة رهيبة، وأنّ المريخ تاني ما في فريق بقيف قدامه ـ لمن نحن صدقنا واتضايقنا. وهاجمنا مجلس الهلال على عدم التعاقد مع مهاجم سوبر، ما خلينا ليهم صفحة يتقلبوا عليها. وكان المريخ قد تعاقد في هذا الموسم مع أربعة أجهزة فنية، منهم ثلاثة أجهزة كان طاقمهم أجنبي.. بقيادة إيطالي مرة، ومرة بقيادة صربي والآن المريخ بقيادة مصري مع مدير رياضي مصري متفرغ منذ بداية الموسم. رئيس المريخ كان قد كتب في صفحته على مواقع التواصل الاجتماعي (بل بس)، ووعد المريخاب بمريخ يهز الأرض طولاً وعرضاً. تتخيّلوا بعد الكلام دا حصل شنو؟ بعد كل هذا الكلام ومع أنّ المريخ رئيسه (النمير) ومهاجمه (أسد)، ولاعبه السابق صلاح (نمر)، وطرفه الشمال (طبنجة)، ومدافعه (مكين)، ولاعبهم تحت السن (عنتر) وعندهم برّه (مرفعين)، مع كل هذه القوات، جاء المريخ في الدوري الموريتاني في المركز السادس. بعد كل هذه الأسماء، طلع الفرق بين الهلال والمريخ في الدوري الموريتاني (23) نقطة. وبعد أن كان رئيس المريخ يرفع شعار (بل بس)، طلع وقال المريخ ما عنده صف أول. رئيس المريخ قال كدا، نحن نقول شنو؟ هسه نسوا الكلام دا، نسوا فارق الـ23 نقطة والمركز السادس في الدوري الموريتاني وطلعوا تاني يتفاصحوا. بعملوا في نفس الشئ وبرفعوا في نفس الشعارات. تاني رجعوا لصور السيلفي في المطارات. مفتكرين المريخ قادر على تحقيق البطولة بالسيلفي. ناس (أي دمعة حزن لا لا)، قالوا عاوزين يشيلوا النخبة، قاموا تاني للنفخ، ونحن مُتعوِّدين على الحكاية دي وعارفين النهاية سوف تكون كيف؟ شوفوا من هسع بقدم ليكم (تشاهد غداً) أي دمعة حزن لا لا. تشاهد غداً دي نحن كنا زمان بننتظرها بفارغ الصبر، عشان نعرف برامج بكرة في التلفزيون شنو؟ الوقت داك كان مافي موضوع، لا في فيس ولا في واتس ولا نت، قمة رفاهيتنا كانت (تشاهد غداً). برشلونة وريال مدريد كنا بنسمع بيهم طشاش وهلال مريخ بننتظرها من السنة للسنة. هسه بقول ليكم وأكون صريح معاك وواضح يا ناس المريخ أعصروا على (أي دمعة حزن لا لا).. ما عندكم مخرج غير عبد الحليم حافظ.. وأصلاً مدرب المريخ مصري والمدير الرياضي مصري يعني ما ح تكون عندكم مشكلة في (أي دمعة حزن لا لا)، وأصلاً هي ما غريبة عليكم. دوري النخبة سوف يثبت ذلك وسوف نسمع بعده عن انتقادات للاعبين، وعن الإطاحة بالمدير الفني للمريخ. وح يرجعوا يعملوا نفس الشئ وينفخوا تاني في التسجيلات ويتحدثوا عن الصور والمحترفين وسيلفي المطار. قالوا في المريخ مواهب شابّة.. لكن المريخ لغاية الآن بيلعب بأمير كمال ورمضان عجب والسماني الصاوي. واحتمال ناس الصف الأول للمريخ يرجعوا في التسجيلات القادمة، صلاح نمر وحمزة داؤود والتش وعمار طيفور وأحمد بيبو. شكلها كدا. وأي دمعة حزن لا لا. نقّطت. … متاريس الهلال أول فريق في الدنيا يدخل للبطولة المحلية الأولى بدون جهاز فني وبدون محترفين وبدون مجلس إدارة. يقولوا ليكم الكلام ألف مرة. بس عشان الناس تكون عارفة. دوّروا في فلوران انتقادات وهجوم.. فلوران رحل.. من هو البديل؟! إذا مجلس الإدارة قال للمحترفين على كيفكم وخيّرهم في الحضور أو عدمه، يبقى خادم دياو من حقّـه يلبس شعار فريق آخر وهو على ذمة الهلال!! عندي إحساس جان كلود ح يجي يلعب الشوط التاني في مباراة الهلال والمريخ ويرجع. شوط واحد كفاية. طبنجة الأيامات دي مركز في مطار بورتسودان أكتر من تركيزه على التمارين والطرف الشمال. متوقع في أيِّ لحظة يظهر (بعاتي) في بورتسودان. أعملوا حسابكم. غايتو عندي بعاتي كدا اسمو (إيمي) لو ظهر في بورتسودان، ناس المريخ أحسن يتخارجوا من بدري من الدامر. إيمي وجان لو ظهروا في بورتسودان، لا طبنجة.. لا كابو ولا معاوية الجاك بقعدوا ليكم. ما تسمعوا الفصاحة دي. الناس ديل خايفين من (جان) أكتر من خوفهم من المُسيّرات. المجاذيب ديل عندهم الخير والبركة. وبركاتكم يا مجاذيب، في موسم واحد تأهل السهم الدامر للممتاز، والممتاز ذاته سوف يلعب في الدامر. سوبر النار في الدامر وعطبرة. القمة في الدامر. مبروك للسهم الدامر الممتاز وهو اضافة حقيقية للدوري الممتاز. مبروك لكفاح صالح ، مدرب يعرف كيف يصنع التأهل.. مدرب يعرف كيف يصل للممتاز.. والتأهل صنعة. التسجيلات باقي ليها 39 يوماً. ولسه ما في جديد. بنسمع عن الراحلين، ما قاعدين نسمع عن القادمين. الحاصل شنو؟ العليقي عرفناه مختفي، أين الفاضل التوم؟ الموضوع دا برضو فيه خيارات زي الخيارات التي منحها المجلس للمحترفين. غايتو إذا فشل المجلس في إحضار المحترفين يبقوا فشلوا فشلاً ذريعاً. دوري النخبة تبقت لانطلاقته 72 ساعة. الجمعة الهلال والميرغني كسلا عصراً. الميرغني بداية موفقة للهلال إن شاء الله. الهلال سوف يلعب 7 مباريات بـ21 نقطة إن شاء الله. تتخيّل فارق النقاط بين الهلال والمريخ في موريتانيا كان 23 نقطة، بينما مجموع كل نقاط السوبر 21 نقطة. الهلال عظمة. عظمة والله. في الأخيرة دي قاصد الهلال السعودي ـ بس عشان تكونوا عارفين. أهو كله هلال. … ترس أخير: الأهلي مـدني احتمَـال كبير يكُـون وصيف الهِـلال في دوري النخبة.. عندي إحسـاس تنقِّط من قُـولَـة تيـت.
